Fullveldismissir

Þennan dag, 12. janúar, 1993, fyrir 25 árum, missti íslenska þjóðríkið fullveldið aftur. Til Belgíu í þetta sinn þegar 33 af 63 þingmönnum Alþingis ákváðu að Evrópusambandið fengi tilskipanavald á vissum sviðum landsstjórnarinnar. Þar með lauk óskoruðu fullveldi Íslendinga, það náði ekki að verða 75 ára, fæddist 1. desember 1918 þegar þjóðríkið losnaði undan danska stjórnvaldinu (en hélt kónginum til skrauts og bráðabirgða). Samningurinn, sem var samþykktur 12.1.1993 og var um framsal á stjórnvaldi til ESB, var kallaður „samningurinn um evrópska efnahagssvæðið“ og átti að vera fordyri aðildar að ESB. Samningurinn er að mestu „stofnanakaflar“ um valdaafsalið og alls kyns stofnanir í kringum það sem fela áttu hið raunverulega innihald samningsins sem var valdataka ESB á Íslandi.

Stjórnmálamennirnir sem samþykktu samninginn, og reyndar margir enn þann dag í dag, héldu að samningurinn væri einhvers konar viðskipta- og samstarfssamningur en áttuðu sig ekki á að han yrði í staðinn samningur um verslunarhöft við umheiminn og ekki samstarf heldur hlýðni við ESB tilskipanir. EES-samningurinn hefur valdið miklu tjóni í íslensku samfélagi þann aldarfjórðung sem hann hefur verið í gildi og ESB gengur sífellt lengra í að hneppa Íslendinga í fjötra sambandsins. Samningurinn var líklega versti samningur sem Íslendingar höfðu gert í 731 ár þegar Noregskóngur hirti frelsi vort í Gamla sáttmála. Landsmenn losnuðu undan honum og munu líka losna undan EES og mun hraðar en Gamla sáttmála enda er EES-samningurinn orðinn mjög skaðlegur og helsta samskiptaland Íslands í ESB að ganga úr sambandinu.

(mynd úr Zero Hedge)

http://www.althingi.is/thingstorf/thingmalin/atkvaedagreidsla/?nnafnak=7644

This entry was posted in EES. Bookmark the permalink.