Regluverk EES að verða innanlandsfluginu ofviða

Ísland var eitt af löndunum sem stofnuðu alþjóða flugmálastofnunina, ICAO, árið 1944. ICAO sér um alþjóðasamninga og alþjóðareglur um flug, m.a. um að frelsi ríki í flugi milli landa. Það er sú stofnun sem stjórnar því að Ísland, ásamt 6 öðrum löndum, sér um flugumferðastjórn á Norður-Atlantshafi. En með EES-samningnum er flugöryggisstofnun ESB, EASA, komin með stjórnvald yfir flugstofnunum og flugfélögum hér. Þróunin hefur verið að leggja fleiri mál undir ESB. Þungt og bólgnandi regluverk ESB um flug er orðið kostnaðarsamt og hefur haft slæm og versnandi áhrif á sérstaklega lítil flugfélög og einkaflug hér innanlands.

Flugfélagið Ernir fékk nýlega 32-sæta Dorniervél.

— Þetta hef­ur kallað á fjár­freka og mikla vinnu við þjálf­un áhafna og tækni­manna. Skrá­setn­ing­ar­ferlið hef­ur tekið um sjö mánuði og má geta nærri, að þessi langi tími hef­ur reynt mjög á fjár­hags­stöðu fé­lags­ins. Flug­vél­in var loks til­bú­in og fór sitt fyrsta áætl­un­ar­flug núna í byrj­un janú­ar, en Adam var ekki lengi í Para­dís. ISA­VIA ákvað skyndi­lega að stöðva rekst­ur þess­ar­ar flug­vél­ar, vegna skulda­stöðu flug­fé­lags­ins við þá og brugðust við tíma­bundnu ástandi á þann máta, að mér finnst með ólík­ind­um og þeim til vansa.

Þar sem verið var að vinna ásamt er­lend­um sér­fræðing­um að viðhaldi flug­vél­ar­inn­ar í upp­hituðu flug­skýli, var vinn­an við flug­vél­ina stöðvuð og henni læst utan dyra, þar sem hún var óaðgengi­leg starfs­mönn­um fé­lags­ins.

Er það eðli­legt að stofn­an­ir geti kyrr­sett at­vinnu­tæki án aðkomu sýslu­manns?

ISA­VIA-menn hljóta að geta fundið sér eitt­hvað þarfara og ár­ang­urs­rík­ara að gera, svo sem að hlúa að gras­rót­inni í flug­inu og reyna að lág­marka ýtr­ustu kröf­ur sem ber­ast frá ESB og EES, þannig að reglu­gerðafarg­anið verði einka­flug­inu og svifflug­inu ekki ofviða.

ISA­VIA verður einnig að láta virki­lega til sín taka og sporna við aðgerðum skaðvalda sem vinna leynt og ljóst að því, beint fyr­ir aug­um ISA­VIA, að eyðileggja Reykja­vík­ur­flug­völl til stór­kost­legs tjóns fyr­ir alla lands­menn og flug­starf­semi—“(Sveinn Björnsson í Mbl 23.1.2019. Höf­und­ur er fyrr­ver­andi eig­andi Flugþjón­ust­unn­ar ehf.)

This entry was posted in EES. Bookmark the permalink.