Úttektin á EES orðin skrípaleikur

Formaður starfshóps utanríkisráðuneytisins um EES, Björn Bjarnason, skrifar enn eina áróðursgreinina um ágæti EES í Morgunblaðið í dag. Hann veifar gömlu rangfærslunum. Dæmi:

Björn. „-Íslensk­ur efna­hag­ur á svo mikið und­ir aðild­inni að sam­eig­in­lega markaðnum í Evr­ópu (les ESB), EES-sam­starf­inu-“

Hið rétta: Sameiginlegi markaðurinn er ekki markaður heldur svæðið þar sem tilskipanir ESB gilda. Ísland er með aðgang að mörkuðum ESB með gildum fríverslunarsamningi og WTO- og GATS- samningum. Íslenskur efnahagur hefur tapað á útilokunum ESB á lönd utan ESB og verslunarhöftunum á vörur frá alþjóðamarkaðnum. EES er ekki samstarf heldur samningur um að ESB hafi um hönd stjórnvald vissra mála á Íslandi.

Björn: „Verk­efn­um hef­ur verið deilt til stofn­ana inn­an upp­haf­lega ramm­ans-“.

Hið rétta: Stjórnsýsluverkefnum hefur verið deilt á vissar stjórnvaldsstofnanir ESB utan upprunalega ramma EES.

Björn: -EES-samn­ing­ur­inn stend­ur óhaggaður og fell­ur inn­an marka ís­lensku stjórn­ar­skrár­inn­ar-“

Hið rétta: Erlendar stjórnvaldsstofnanir eiga ekki að hafa valdheimildir á Íslandi, það er brot á stjórnarskrá.

Björn: „- sér­hæfðum fag­stofn­un­um falið að fylgj­ast með ein­stök­um sviðum -Lögð er áhersla á sam­eig­in­lega túlk­un og úr­lausn mála-“

Hið rétta: Ekki er um að ræða sameiginlega túlkun og úrlausn mála íslenskra og ESB-stofnana heldur er stjórnvaldsaðgerðum vissra stofnanna á Íslandi stjórnað einhliða af ESB og stofnunum þess.

Björn hefur eftir dómara við Efta-dómstólinn:

-EFTA-rík­in þrjú hafa þannig haldið full­veldi sínu á sviði alþjóðaviðskipta-“

Hið rétta: ESB hefur staðið fyrir ýmsum hömlum á viðskipti EES-landa (sjá til dæmis EES-tilskipanir um viðskiptabann á Rússland). Ísland þarf að hlíta umfangsmiklum verslunahöftum á innflutning vöru frá löndum utan ESB.

-að skort hafi skýr laga­ákvæði um rík­is­ábyrgð í EES-regl­ur um inn­stæðutrygg­ing­ar-“

Hið rétta: Skýr ákvæði lágu fyrir í regluverki EES um að ríkið bar ekki ábyrgð á innistæðum á reikningum banka á EES.

Starfshópur utanríkisráðherra um skoðun á EES hefur dæmt sig úr leik. Það er orðið brýnt að gerð verði hlutlaus og fagleg athugun á vegum Alþingis og Háskóla Íslands á EES-aðildinni.

This entry was posted in EES. Bookmark the permalink.