Skorað á þingmenn að hafna 3. orkupakkanum

Alþingi á að samþykkja lög og þingsályktun (782. og 777.) um að færa yfirstjórn orkukerfisins til ESB. Og líka lög (792.) um að Ísland ákveði með sæstreng, marklaus lög meðan Ísland er í EES. Þingskjölin eru ruglandi langlokur og óþarfi að lesa nema eina af tilskipununum sem á að stimpla, 2009/72, inntakið er:

Ísland framselur stjórnvald yfir orkukerfinu til ESB, Landsreglari verður stofnun undir ESB/ACER og tekur ekki við fyrirmælum frá íslenskum stjórnvöldum.

Í tilskipuninni kemur fram:

-samþykki reglna (um rekstur flutningskerfis, netmála) færist frá ráðherra til Landsreglara-

-aðildarríkið ábyrgist sjálfstæði Landsreglara, að hann sé lagalega aðgreindur og óháður öllum opinberum aðilum, taki ekki við fyrirmælum frá neinni ríkisstofnun eða öðrum opinberum (íslenskum) aðilum-

-tilskipunin setur reglur um framleiðslu, flutning, dreifingnu og afhendingu rafmagans, þær kveða á um skipulagningu og starfsemi á sviði raforku, markaðsaðgang, viðmiðanir og málsmeðferð við leyfisveitingu og rekstur raforkukerfa-

Skyldur Landsreglara eru m.a.:

-að ákveða eða samþykkja gjaldskrár fyrir flutning og dreifingu-

-að tyggja að flutnings- og dreifikerfisstjórar og kerfiseigendur, ásamt meða eigendum raforkufyrirtækja, uppfylli skyldur sínar samkvæmt þessari tilskipun og annarri viðeigandi löggjöf ESB-

-að fylgjast með fjárfestingu í framleiðslu-

-að fara að og framkvæma allar viðeigandi lagalega bindandi ákvarðanir ACER og framkvæmdastjórnar ESB-

Tilskipun 2009/72 á íslensku

Villandi staðhæfingar utanrikis-og-atvinnuvegaráðuneyta

Yfirstjórn orkukerfisins til ESB.

Orkan okkar, félagasamtök sem berjast gegn erlendu valdi í orkumálum, hafa nú skorað á alþingismenn að hafna 3. orkupakkanum. Í grein­ar­gerð með áskor­un­inni seg­ir að ódýr og ör­ugg raf­orka sé und­ir­staða góðra lífs­kjara í land­inu og að var­ast ætti að inn­leiða lög­gjöf sem sniðin er fyr­ir aðstæður í orku­mál­um sem eru mjög frá­brugðnar þeim sem við búum við á Íslandi. Orkupakk­inn skerði sjálfs­ákvörðun­ar­rétt Íslands í raf­orku­mál­um.

https://www.mbl.is/frettir/innlent/2019/04/08/skora_a_thingmenn_ad_hafna_orkupakkanum/

https://orkanokkar.is/

This entry was posted in EES, Orka. Bookmark the permalink.