https://www.stjornarradid.is/rikisstjorn/thingmalaskra/
Í skránni eru um 160 mál, þar af eru 34 mál sem eru frá Evrópusambandinu, sum bein afleiðing af fyrri EES-tilskipunum og umkvörtunum ESA eða EFTA-dómstólsins. Heldur minna en síðustu áratugi enda hefur Evrópusambandið verið upptekið af hernaðarundirbúningi upp á síðkastið.
Hættuleg mál eru meðal málanna í skránni frá Evrópusambandinu vegna EES. Áformin um að innlima Ísland í Evrópusambandið finnast samt ekki meðal málanna en sú hætta vofir yfir meðan núverandi alþingisheimur situr. Þessi ríkisstjórn ætlar að reyna að efla vald Evrópusambandsins yfir Íslandi með að samþykkja bókun 35 sem er meðal mála þingmálaskrárinnar. Svo kölluð loftslagsmál, sem var komið í hendur Evrópusambandsins að óþörfu, eru víða i skránni og stefna þjóðarbúinu í vaxandi óðabruðl og blóðtöku og gagnsleysi með margs konar aðgerðum sem ekki hafa neina vísindaleg tengingu við loftslag, áfrahaldandi fálm sem meira að segja lönd Evrópusambandsins sjálfs eru hætt að reyna að framfylgja enda búnar að valda efnahagskreppu í Evrópulöndum.
Okkar góðtrúa ráðamenn segja að aðgerðirnar í „loftslagsmálum“ séu nauðsynlegar til þess að við „getum staðið við skuldbindingar okkar í loftslagsmálum“. Það eru skuldbindingar gagnvart Evrópusambandinu/EES sem Ísland ber engin skylda til að virða og halda til streitu og hægt að segja upp gagnvart Evrópusambandinu með stuttum fyrirvara og leysa landið úr gríðarlegri fjárhagslegri áþján. Ísland, heimsmethafi i notkun reyklausrar orku, getur sjálft séð um sín loftslagsmál án þess að Evrópusambandið komi þar nálægt.
Mikilvægar greinar eru undir EES-ógninni. Flug til og frá landinu verður of dýrt ef fer sem horfir. Flutningur með skipum mun einnig verða dýrari og vöruverð hér hækka. Svipaða sögu er að segja um landflutninga sem verið er að reyna færa yfir á rafhlöðufarartæki sem eru mjög kostnaðarsöm, afkastalítil og vegslítandi. Iðnaðarstarfsemi þarf líka að borga fúlgur í „loftslagsmálin“. Evrópusambadnisð er að þróa leiðir til þess að taka loftslagsskatta af sem næst allri starfsemi, frá íbúðabyggingum til frístundaiðkunar.
Hluti þingmálaskrárinnar eru mál sem eru í raun óþörf og eins og síðustu ár eru tískustjórnmál ofarlega á baugi og sk. alþjóðlegar samþykktir eru þar á meðal.
Stærsta EES-tilskipanahauginn sem á að innleiða fær Fjármálaráðuneytið, allt sniðið fyrir Evrópusambandið en ekki Ísland. Fjármálastarfsemin á Íslandi er orðin stöðnunarvaldur með hátt flækjustig í ósamræmi við íslenska hagsmuni, ekki síst hagsmuni ungra húsnæðiskaupenda. Og enn á að auka EES-aþjánina.
Umhverfisráðuneytið er næst vinsælasti EES-erindrekinn í Stjórnarráðinu og er á haus í ýmsum glórulausum tilskipunum og stefnir í miklar „aðgerðir í loftslagsmálum“ sem eru loftslagi óviðkomandi en maka krók loftslagssvindlaranna. Kostnaðurinn við að reka umhverfismálaákvarðainir Evrópusambandsins er orðinn svo hár að stefnir í að lífskjör landsmanna versni mikið.
Utanríkisráðuneytið, sem hefur oft haft mest af fyrirmælunum frá ESB/EES (oft þingsályktunartillögur til þess að ryðja brautina fyrir áframhaldandi áþján) er ætlað að fá staðfestingu Alþingis á stjórnarskrárbroti EES-samningsins með því að láta alþingi samþykkja bókun 35 sem segir ESB/EES-regluverkið æðra því íslenska. Eins og kemur fram hér á síðunni (https://www.frjalstland.is/2024/10/26/ees-samningurinn-er-ekki-marktaekur/) er samningsloforð um forgang EES-reglna ekki marktækt.
Utanríkisráðuneytið á líka að láta Alþingi smaþykkja „loftslagssamning“ sem er áframhald á hinu kostnaðrsama loftslagssvindli. Og svo rúsínan í pylsuendanum, þingályktunartillaga um varnar og öryggisstefnu sem nokkuð víst er að verði áframhald af utanríkispólitískum mistökum síðustu ára.
Verið er að leggja drög að einföldun reglu-og lagakraðaksins, mikið af slíku er einmitt frá EES-tilskipununum. Sagt er að verið sé að einfalda skriffinnsku við uppbyggingu s.s. virkjanir. Óvarlegt er að spá hvort eitthvert gagn verður af því þar eð Brussel fylgist vel með hvort Ísland hlýðir regluverki EES, sem er aðal orsakavaldur framkvæmdalömunarinnar, en hægt að vona að ríkisstjórnin verði farsæl í að einfalda og afnema EES-regluverkið sem stendur í vegi fyrir þróun landsins.
Ekki er tekið á mikilvægustu málum landsins: Ekkert um endurheimt sjálfstæðisins, uppsögn EES og afnám Evrápusambandsvaldsins. Ekkert um uppsögn Schengen. Og Engin vitræn stefna um atvinnuuppbyggingu.