Varaforseti Bandaríkjanna, J.D. Vance, lýsti öryggismálum Vetur- Evrópu í ræðu í Munchen í febrúar sl., séð með augum verndaranna, Bandaríkjanna, sem hafa borið uppi hervarnir V-Evrópu í 86 ár. Lýsing Vance er alger andstaða við það sem Evrópusambandið, og NATO-lönd Evrópu, hafa haldið á lofti. Hann sagði m.a að ekkert væri meira áríðandi að leysa en fjölda-fólksinnflutninginn. Hann ásakaði Evrópska leiðtoga um að hefta málfrelsi og stunda ritskoðun. Stærsta hættan sem Evrópa stæði frammi fyrir væri ekki Rússland eða Kína eða ytri þættir heldur hætta innanfrá!

Ræðan olli fjaðrafoki hjá ESB/NATO-leiðtogum.

Hér á eftir eru brot úr ræðunni.

-Evrópa stendur frammi fyrir mörgum áskorunum en vandinn sem Evrópa stendur frammi fyrir nú , vandinn sem ég held að við öll stöndum frammi fyrir, er heimatilbúinn af okkur sjálfum“!“

-Hættan fyrir Evrópu sem ég hef mestar áhyggjur af er ekki Rússland, er ekki Kína né einhver annar ytri þáttur. Það sem ég hef áhyggjur af er hættan innanfrá, afturhvarf Evrópu frá sumum helstu grundvallargildum – gildum sem Evrópa deilir með Bandaríkjunum

-Nú er staðan orðin svo slæm að Rúmenía beinlínis ógilti forsetakosningar í desember sl. vegna ótrausts gruns upplýsingastofnunar og mikils þrýstings frá nágrannalöndum. Ég var sleginn þegar fyrrum ESB-embættismaður kom fram í sjónvarpi nýlega og hljómaði ánægður með að ríkisstjórn Rúmeníu hafði ógilt heilar kosningar. Mér skilst að hin gefna ástæða hafi verið að rússneskar rangupplýsingar hafi spillt rúmensku kosningunum. En ég bið ykkur, evrópsku vinir, að hafa einhverjar viðmiðanir. Þú getur trúað að það sér rangt hjá Rússum að kaupa auglýsingar á samfélagsmiðlum til þess að hafa áhrif á kosningar. En ef lýðræðið ykkar er hægt að eyðileggja með nokkurhundruð þúsund dollara auglýsingum á erlendum vefsíðum þá var það ekki mjög sterkt frá byrjun

-Þegar við sjáum evrópska dómstóla ógilda kosningar og háttsettir embættismenn hóta að ógilda aðrar, ættum við að spyrja okkur sjálf hvort við erum að gera nægilega háar kröfur til okkar sjálfra

-Ég sé að ESB-kommissararnir vara almenning við að þeir ætli að loka samfélagsmiðlum ef verður óróleiki meðal borgranna um leið og þeir taka eftir og meta að orðið hafi „hatursorðræða“

-Í Bretlandi, og um Evrópu, er ég hræddur um að málfrelsi sé á undanhaldi

-En góðu fréttirnar eru að lýðræði ykkar er mun óbrothættara en margir virðast halda. Og ég trúi að með því að leyfa borgurum að tala hug sinn verði það enn sterkara.

-Evrópa stendur frammi fyrir mörgum áskorunum en áskorunin sem álfan stendur frammi fyrir nú, sem við öll stöndum frammi fyrir, er búin til af okkur sjálfum. Ef þú hleypur frá þínum eigin kjósendum er ekkert sem Ameríka getur gert fyrir þig

–Af öllum áríðandi áskorunum sem lönd ykkar standa frammi fyrir tel eg að engin vegi meira en fjölda-fólksinnflutningurinn. Þessi staða kom ekki úr tómarúmi. Hún er árangur ákvarðana stjórnmálamanna síðasta áratuginn. Nærri fimmtungur íbúa Þýskalands og fleiri Evrópulanda, og líka Bandaríkjanna, eru innfluttir.

-Mér þykir það leitt, en við höfum heyrt þessa sögu of oft: Hælisleitandi, oft hálfþrítugur maður, þegar þekktur hjá lögregluyfirvöldum, keyrir bíl inn í mannfjölda og skelfir samfélagið (afganskur hælisleitandi keyrði inn i mannþröng í Munchen um sama leyti og Vance var þar)

-Ég held að fólk hafi umhyggju fyrir heimilum sínum. Og hafi umhyggju fyrir sínum draumum. Og fólk hefur skynbragð. Í andstöðu við það sem þú gætir heyrt úr nokkurra fjallatoppa fjarlægð, frá Davos, líta borgarar okkar landa ekki á sjálfa sig sem tamin dýr eða útskiptanleg tannhjól í alheimshagkerfinu. Og það er ekki að undra að þeir vilji ekki láta þvæla sér til og frá eða vera stöðugt hunsaðir af sínum leiðtogum

-Ég tel að það að hafna fólki, að hafna þeirra áhygjum, eða verra, loka miðlunum, ógilda kosningar, eða loka fólk frá stjórnmálaferlinu, sé ekki til varnar neinu, það er í raun besta leiðin til þess að eyðileggja lýðræðið

-Við ættum ekki að vera hrædd við okkar eigið fólk, jafnvel þegar það viðrar skoðanir sem eru andstæðar skoðunum forystumannanna.

Ræðuna í heild sinni má sjá á

https://www.whitehouse.gov/remarks/2025/02/remarks-by-vice-president-vance-at-the-munich-security-conference/

eða

https://foreignpolicy.com/2025/02/18/vance-speech-munich-full-text-read-transcript-europe/

Þátttaka Íslands í hernaði gegn öðrum þjóðum er stærsta ógnin við öryggi landsins. Stjórnvöld landsins þora ekki að standa fast á friðarstefnu Íslands, sem mörkuð var strax í upphafi sjálfstæðisins, eða skilja ekki einföldustu lögmál um öryggi þjóða. Aðild að stríði leiðir af sér ófyrirséð óvinveitt viðbrögð þeirra sem tengjast eða hafa samúð með þeim sem hernaðurinn er gegn.

Stofnanir Íslands, t.d. í utanríkismálum og almannavörnum, halda mikla fundi og syngja kór um að þurfi að “efla varnir” og slá um sig með fullyrðingum um óvinveitt öfl, undantekningalítið óhróður eða tilbúnar sögusagnir. Ríkissjóður er látinn eyða gífurlegum upphæðum í „stuðning við Úkraínu“ sem er í raun þátttaka í hernaði ESB, NATO og Bandaríkjanna gegn Rússlandi, einu öruggasta vinalandi sem Ísland hefur eignast.

Óhróður gegn öðrum þjóðum. Þegar íslenskar stjórnvaldsstofnanir eru farnar að ásaka Kína, Rússland eða Íran um njósnir, skemmdarverk eða annan fjandskap eru þeir sem eiga að vera fulltrúar Íslands að efna til óvildar við vinaþjóðir eða þjóðir sem Ísland á ekkert sökótt við, byggt á rógi eða óstaðfestum sögusögnum. Ásakanirnar hafa yfirleitt ekki sannast (nema þegar Bandaríkin og Noregur skemmdu gasleiðslu Rússa í Eystrasalti) en oft hefur verið hægt að hrekja þær. Mikið af rógburðinum á uppruna sinn í Bretlandi sem m.a. hefur sérstakan „task force“ til þess að bera óhróður á Rússland.

Njósnir á Íslandi? Það er ekki skrítið að Kínverjar, Rússar, Íranir njósni um her Bretlands, Bandaríkjanna eða Frakklands sem hóta þeim stöðugt og reka jafnvel hernað gegn þeim. Þessi stríðslönd geta sjálf þefað uppi njósnara hjá sér, Ísland hefur lítið af hernaðarleyndarmálum sem njósnarar ágirnast. Þeir sem eru að reyna að æsa Íslendinga til “aukinna varna” eru annaðhvort stríðsæsingaloddarar eða eða illa upplýstir áróðursmenn.

ESB vill spilla friðarumleitunum Trump. Ístöðulaust forustufólk Íslands er boðað á fundi hjá Evrópusambandinu til þess að spilla fyrir friðarumleitunum Bandaríkjanna. Sambandið neitar að samþykkja nýjustu samninga og afnema höft á flutning korns og áburðar um Svartahaf. Frakkland og Bretland ætla að senda her inn i Úkraínu (Morgunblaðið 28.3.2025) sem þýðir hættulega útvíkkun stríðsins.

Okkar siðspillta forustufólk lepur upp stríðsæsingarnar  í Evrópupótentátunum og er látið samþykkja aðgerðir gegn friði. Okkar forustumenn eiga ekkert erindi á fundi hjá Evrópuleiðtogum um varnar- og hermál. Ísland er ekki í Evrópusambandinu en aftur á móti bandalagsríki Bandaríkjanna. Vandi Bandaríkjanna er gamalgróinn stríðsandi í Evrópu og sviksemi Úkraínustjórnar sem hefur ekki staðið við neina samninga við Rússland. Fyrri samningur um kornútflutning var notaður til vopnaflutninga og Minsk-samningarnir um mannréttindi rússneskra íbúa var aldrei meiningin að efna þó Frakkar og Þjóðverjar hafi verið ábyrgðarmenn. Síðast braut hún samning um að sprengja ekki orkuinnviði. Tilgangurinn er að spilla friðarumleitunum Trump. Úkraínuforseti er auk þess ekki með lýðræðislegt umboð lengur til að gera samninga.

Evrópusambandið undirbýr stríð. Frakkland og Bretland og „viljugar þjóðir“ eru að undirbúa að senda her inn í Úkraínu en lengi hefur legið fyrir að Rússar þola engin NATO-hreiður í Úkraínu.

Kænugarðsstjórnin fórnar almennum borgurum og kennir Rússum um dauða þeirra

-Um mánaðarmótin mars/apríl 2022 fundust hundruðir líka í bænum Bucha eftir morðæði úkraínskra hermanna. Upptökum, myndum og fréttum af sviðsetningu Úkraínumanna af fjöldamorðunum var dreift til falsfréttamiðla á Vesturlöndum. Úkraínustjórn kenndi Rússum um sem varð til þess að NATO (Boris Johnson) bannaði Zelenski að skrifa undir Istambul-friðarsamningana sem hefðu stöðvað stríðið.

-Í byrjun mars 2025 skutu Rússar flugskeytum á verustað NATO-hermanna í Krivoy Rog og felldu um 85. Kænugarðsstjórn bandaði ekki almennum borgurum frá fundarstað þeirra, eins og búið var að brýna fyrir þeim, um tveir tugir almennra borgara týndu lífi.

-Á pálmasunnudag 2025 sprengdu Rússar um 60 NATO-hermenn, málaliða og Úkraínuhermenn sem safnað hafði verið saman í Sumy við landamæri Kursk þar sem Úkraínuher hafði stundað manndráp frá því í ágúst leið. Yfirmenn hersins sáu til þess að fundarstaður hermanna var á svæði almennings þó að svæðisstjórn Sumy hafi sagt þeim að halda ekki herfundi á slíkum svæðum. Þingmenn Úkraínu kenna herstjórninni um hvernig fór og Zelenski varð að reka svæðisstjóra hersins. https://www.rt.com/russia/615758-sumy-strike-nato-ukrainian-officers/

Úkraínuleppstjórnin fórnar almennum borgurum til þess að geta kennt Rússum um. Zelenskistjórnin stendur ekki við neina samninga, síðast braut hún samning um að sprengja ekki orkuinnviði. Tilgangurinn er að spilla friðarumleitunum.

Ráðamenn Íslands hafa sýnt aumkunarverða þrælslund og láta ESB/NATO stríðsmangarana draga Ísland í áframhaldandi hernað gegn Rússlandi. Merz, kanslaraefni Þýskalands er kominn í lið helstu stríðsmangaranna (Makronapoleons og Breta-Starmerar) og ætlar að senda langdrægar flaugar til Úkraínu. https://www.youtube.com/watch?v=FSWzBTN18Bc. Rússar segja að hann sé nasisti, þeir gleyma ekki að þýskir nasistar drápu 27 milljónir Rússa í síðasta stríði.

Það gengur hægt hjá Trump að stöðva “stríð Biden og Zelenski” eins og hann kallar það. Trump er vel kunnugt um að það var ríkisstjórn Barack Obama og Joe Biden sem hóf stríðið með valdaráni og árásum á rússneska íbúa Austur-Úkraínu fyrir 11 árum. Og Biden efldi það eftir að honum hafði verið svindlað á forsetastólinn 2020 og beitti kabaretleikaranum og nýnasistunum í Kænugarði sem verktaka. Trump gæti auðveldlega stöðvað stríðið með því að stöðva vopnasendingar og kalla sína hermenn og ráðgjafa heim. En djúpríki Bandaríkjanna er enn ekki búið að viðurkenna að stríð Obama, Biden og Zelenski er tapað. Og NATO og ESB-pótentátarnir skilja ekki enn að þeim hefur mistekist að innlima Úkraínu í sín úreltu samtök, þeir gera allt til að eyðileggja friðarumleitanirnar og víkka stríðið út.