Óvinur búinn til

Winston Churchill kom til Fulton, Missouri, 5. mars 1946.

Um sjö mánuðum áður hafði hann verið kosinn úr embætti forsætisráðherra Bretlands sem hann hafði haldið í fimm ólgusöm ár í sögu landsins þegar það tók þátt í að sigra Þýskaland nasismans. Með honum í för til Fulton var Harry Truman, forseti Bandaríkjanna, sem hafði orðið honum úti um heiðursnafnbót við Westminster College þar í bæ. Þeir höfðu þá rætt utanríkisstefnu sinna landa sem svo hafði áhrif á inntakið í þeirri frægu ræðu sem Churchill flutti í Fulton, „járntjaldsræðunni“.

Truman vildi reyna að blása kjark í gamlan stríðsbandamann. Churchill hafði verið utan við sig á fundinum með Stalín og Truman í Potsdam í júlí 1945 og hræddur um að tapa kosningunum sem svo varð. Clement Atlee vann þær og tók svo sæti hans á fundinum. Churchill var áfram á breska þinginu og tók brátt til við að skipta sér af þjóðmálum og beina gagnrýni á Ráðstjórnarríkin og Stalín.

Þegar Truman bauð Churchill í heimsókn var stefna Bandaríkjanna gagnvart stríðsbandamönnunum Rússum ómótuð. Stalin vildi ekki taka þátt í dollaravæðingunni og Bretton Woods samkomulaginu (Alþjóðabankanum og Alþjóðagjaldeyrissjóðnum) sem túlkað var sem tilhneiging til þess að vinna gegn Vesturlöndum. Andstaða Trumans við stefnu Ráðstjórnarríkjanna gagnvart Póllandi urðu líka til þess að draga úr samstöðu gömlu bandamannanna.

Ráðstjórnarríkin lögðu undir sig Austurevrópu í gagnárásinni á Þýskaland vorðið 1945 og settu sér hliðholla aðila til að stjórna, t.d. í Póllandi. Stalín vildi að Austurevrópa yrði áhrifasvæði Ráðstjórnarríkjanna og benti á að Pólland væri við landamærin. Það var Bandaríkjunum ekki að skapi sem vildu koma sínum stjórnarhugmyndum og áhrifum að. Ráðamenn vestra voru líka hræddir við að Ráðstjórnarríkin mundu fara fram úr Bandaríkjunum í hernaðarmætti.

George Kennan, sendimaður Bandaríkjanna í Moskvu, sendi boð heim um að aðalumfjöllunarefni Stalíns í ræðu sem hann hérl 9. febrúar, 1946, væri um innri málefni en ekki um utanríkismál Ráðstjórnarríkjanna. En fjölmiðlar Vesturlanda settu í gang æsingaherferð um „stríðsræðu“ Stalíns. Kennan sagði að ræðan hefði verið „vanabundin“ en þá var honum skipað að gefa skýrslsu. Sú skýrsla reyndist vera lítt marktæk hvað varðaði afstöðu Ráðstjórnarríkjanna til Vesturlanda En Truman notaði skýrsluna til þess að gefa út svokallaða “Truman kenningu“ sem hóf fyrrum stríðsbandamennina Rússa til höfuðóvinar Bandaríkjanna. George Kennan áréttaði síðar að ræða Stalíns hafi ekki verið óvinveitt Vesturlöndum. Þegar þetta gerðist litu Bandaríkjamenn almennt á Rússa sem bandamenn.

Ræða Churchill í Fulton var hugmyndafræðileg viðurkenning á upplognum staðhæfingum um að Rússar hefðu í hyggju hernað gegn V-Evrópu. Churchill gaf þar rásmerkið fyri Kalda stríðið: „Frá Stettin við Eystrasalt að Trieste við Adríahaf hefur járntjald sigið niður yfir Evrópu“-. Stríðsæsingurinn í Truman-kenningunni var ekki í samræmi við það sem Kennan hafði komist að raun um þegar hann skrifaði skýrsluna. Kennan var þeirrar skoðunar að Ráðstjórnarríkin væru hvorki með útþenslustefnu né hernaðarstefnu gegn Vesturlöndum. Hann varð skelfingu lostinn þegar „Trumankenningin“ varð grunnurinn að stefnu Bandaríkjanna 12. mars 1947. Rússahatur og þunglyndiskast gamla stríðsmannsins Churchill og óráðfærni forsetans Trumans varð þar að leiðalýsingu Kalda Stríðsins.

Undirliggjandi hernaðarstefnunni gegn Rússlandi er aldagömul þrá vestrænna auðmanna að komast yfir auð Rússlands. Rússar hafa orðið fyrir hverri árásinni á fætur annarri úr vestri og hafa þurft að færa  miklar mannfórnir til að verjast. Stríðsríkið Bandaríkin og þeirra „sérstöku“ bandamenn, Bretar, þurfa óvin til að réttlæta sína stríðsmenningu og beina sínu heriðnaðarkerfi og áróðri gegn, ef enginn óvinur er til þarf að búa hann til með öllum ráðum, svo sem lygum og áróðri eins og Churchil og Truman gerðu 1946. Alvarlegar afleiðingar af stríðsæsingum járntjaldsræðunnar áttu eftir að koma í ljós.

———————————————————————————–

#Swanson, M.: The War State. CreateSpace Independent Publishing Platform, North Charleston, South Carolina, USA 2013.

#Ritter, S. Sputnk News, Russia, 2023.  https://sputnmmiknews.com/20230305/churchills-iron-curtain-speech-in-perspective-1107974686.html

Posted in Utanríkismál | Comments Off on Óvinur búinn til

Úkraína lögð í rúst

Afskipti NATO- og ESB-landa af Úkrínu hafa leitt hörmungar yfir landið. Stór hluti íbúanna er farinn, flestir til Rússlands. Flóttafólkið, og íbúarnir sem eftir eru í Úkraínu, eru smám saman að átta sig á orsökum hörmunganna þó einhliða áróður stjórni enn umfjölluninni hér á Vesturlöndum og í Úkraínu. Meira

Posted in Utanríkismál | Comments Off on Úkraína lögð í rúst

Græna böl landbúnaðar Evrópusambandsins

Bændur sambandsins eru búnir að fá nóg af „grænu“ stefnu stjórnvalda. Reglubálkar sambandsins vinna gegn þeim og eru settir gegn húsdýrahaldi, notkun véla, notkun áburðar. Kjötát á að afnema. Stuðningur við bændur er skorinn niður, eldsneyti skattlagt úr hófi og notkun þess sett í kerfi sem stjórnast af bröskurum. Bændur fara nú í dráttarvélalestum til höfuðborga sambandsins og mótmæla og valda umferðaröskunum Meira

Posted in EES, Landbúnaður, Umhverfismál | Comments Off on Græna böl landbúnaðar Evrópusambandsins

Vaxandi hernaður gegn Rússlandi

NATO og Evrópusambandið eru nú að setja kraft í stríðið sem þau hófu fyrir tíu árum með valdaráni. Stríðsmangarar Ameríku og Biden forseti vinna nú hörðum höndum að því að koma sem mestum vopnum og peningum til leppstjórnarinnar í Kænugarði fyrir 2025 af ótta við að ábyrgur forseti taki völdin í Bandaríkjunum og stöðvi stríðið. https://edition.cnn.com/2024/01/19/politics/grim-realization-ukraine-washington-funding-fight/index.html. Meira

Posted in Utanríkismál | Comments Off on Vaxandi hernaður gegn Rússlandi

Þetta er orðið nóg

Tilskipanirnar frá Evrópusambandinu hrannast upp. Það er þegar komið nóg.

Ísland komst undir erlent tilskipanavald fyri 30 árum, 1. janúar 1994. með EES-samningnum. Stuðningsmenn samningsins sögðu að hann væri nokkurs konar fríverslunar- og samstarfssamningur. Hvorutveggja hefur reynst rangt. Reynsla 3 áratuga hefur sýnt að samningurinn hafði lítið um fríverslun fram yfir fríverslunarsamninginn sem var fyrir hendi, frá 1972. „Samstarfið“ hefur að mestu þýtt upptöku laga og reglugerða ESB en margir héldu að Ísland gæti hafnað tilskipunum að vild. Það hefur reynst tálsýn. Meira

Posted in EES, Utanríkismál | Comments Off on Þetta er orðið nóg

Stríðsundirbúningur

NATO og Evrópusambandið eru nú að undirbúa útvíkkun á Úkraínustríðinu sem hefur verið á þeirra vegum frá valdaráninu 2014. Löglega kjörin stjórn Úkraínu hafnaði aðild að NATO 3. júní 2010 og að Evrópusambandinu 21. nóvember 2013. Þá var ekki eftir önnur leið en vopnavald til að innlima landið í NATO og ESB.
Meira

Posted in EES, Utanríkismál | Comments Off on Stríðsundirbúningur

Bankarnir eru í höftum Evrópusambandsins

Evrópusambandið hefur með EES-samningnum verið að taka til sín meiri völd yfir EES-löndunum og stjórnar nú bönkunum með einum sex stofnunum. Fjármálaráðherrar EES-landanna Noregs, Ísland og Liechtenstein misstu þolinmæðina og kvörtuðu árið 2018 bréflega yfir enn nýrri stofnun: Framkvæmdastjórn fjármálaeftirlits ESB þar sem EES-löndin eru undirsátar. Að senda ESB bréf er eins og að skvetta vatni á gæs, ESB talar ekki við sína undirsáta, það talar aðeins til þeira. Faðmur ESB-regluverksins um fjármálastarfsemi hefur reynst íslenskum bönkum dauðafaðmur (8.10.2008). Meira

Posted in Bankar, EES | Comments Off on Bankarnir eru í höftum Evrópusambandsins

10 ára stríð

Úkraínustríðið hófst fyrir 10 árum með vopnuðu valdaráni Obama stjórnarinnar og samstarfsaðila í NATO, ESB og nýnasistahreyfingum Úkraínu, eftir að stjórn Úkraínu hafnaði aðild að Evrópusambandinu, 21. nóvember, 2013. https://goachronicle.com/musk-says-ukraine-indeed-witnessed-coup-detat-in-2014/ Meira

Posted in EES, Utanríkismál | Comments Off on 10 ára stríð

Uppgjöf Noregs

Norsk yfirvöld hafa enn einu sinni sýnt að Noregur er undir hæl Evrópusambandsins. Hæstiréttur Noregs hefur nú lagt blessun sína yfir vald ESB yfir orkukerfi landsins, aðild landsins að ACER (orkustofnun ESB), þriðja orkupakkanum sem okkar Alþingi gleypti með skít og skinni. Það er orðið ljóst að smáskammtalækningar um að hafna einstöku EES-valdboðum duga ekki, eina leiðin til að losa Noreg og Ísland undan Evrópusambandsvaldinu er að segja EES-samningnum upp og semja upp á nýtt. Meira

Posted in EES, Orka, Utanríkismál | Comments Off on Uppgjöf Noregs

Loftslagsherferðin töpuð

Flest af þeim löndum sem tóku þátt í Parísarsamkomulaginu um að minnka notkun jarðefnaeldsneytis og losun gróðurhúsalofttegunda geta ekki staðið við loforðin. Og nú, átta árum eftir að samkomulagið var gert, eru helstu forustulöndin í V-Evrópu að hverfa til baka til notkunar jarðefnaeldsneytis. Meira

Posted in EES, Loftslag, Orka | Comments Off on Loftslagsherferðin töpuð