Bandaríkjastjórn Donalds Trump hefur nú gert upp við Kaldastríðið í nýrri þjóðaröryggisstefnu sem boðar stefnubreytingu í utanríkismálum Bandaríkjanna. Rússland og Kína eru ekki lengur helstu óvinir eins og þeir urðu með Truman kenningunni sem er orðin 78 ára gömul og var vegvísir Trumans og Churchill í Kaldastríðinu og stofnun NATO.
Vestrænir leiðtogar sögðu að Kaladstríðinu hefði lokið með upplausn Ráðstjórnarríkjanna 1991. En það varð ekki raunin, NATO sem stofnað var að sögn Bandaríkjanna og Bretlands til þess að hefta útbreiðslu Moskvukummúnismans, var ekki leyst upp þegar Moskvukommúnisminn missti sitt vald. Þvert á móti, NATO tók að bólgna út og sannaðist þar með að það var ekki stofnað gegn kommúnistunum heldur gegn Rússlandi!
Hin nýja Þjóðaröryggisstefna Bandaríkjanna breytir forsendum íslenskrar utanríkisstefnu af þeirri augljósu ástæðu að Bandaríkin eru samningsbundinn hervarnaraðili Íslands. Bandaríkin eru helsta herveldi heims og því eru varnarsamningar við önnur lönd ekki bara óþarfir fyrir Ísland heldur geta verið bæði skaðlegir og hættulegir íslenskum hagsmunum. Okkar ráðherrar og þingmenn þurfa að kynna sér nýju Þjóðaröryggisstefnu Bandaríkjanna vel áður en þeir valda meiri skaða á íslenskum hagsmunum. Tjóðrið sem Evrópusambandið hefur Ísland í vegna samningsins um evrópska efnahagssvæðið (EES), og sríðsbábyljur Evrópusambandsins, stefna Íslandi í stríð við Rússland. Samkvæmt þjóðaröryggisstefnunni stendur Evrópa frammi fyrir siðmenningarupplausn og er föst í stríðsæsingum, múslimainnflutningi, málfreslsishöftum, miðstjórnarafskiptum Brussel og opinberri blekingastarfsemi. Trump hefur sagt að Vestur-Evrópa sé hrörnandi hópur þjóða stjórnað af veikum leiðtogum sem bregðast rangt við fjöldafólksflutningnum og ráða ekki við að binda endi á Úkraínuátökin.
-“Þó Evrópa sýni uggvekjandi teikn um efnahagslega afturför eru stjórnmála- og menningarleg hrörnum ennþá alvarlegri. Stóru málin sem Evrópa stendur frammi fyrir innifela starfsemi Evrópusambandsins og annarra yfirþjóðlegra aðila sem grafa undan stjórnmálafrelsi og fullveldi; stefna um fólksinnflutning sem er að umbreyta meginlandinu og framkalla deilur; ritskoðun frjálsrar umræðu og bælingu stjórnmálaandstöðu; hrun fæðingartíðni og missir þjóðarsamkenndar og sjálfstrausts. Bandaríkin vilja að Evrópa verði áfram evrópsk og hætti að leggja á kæfandi regluverk.“.
-“Það er grundvallar áhugi Bandaríkjanna að semja um skjóta stöðvun bardaga í Úkraínu til þess að hægt sé að ná stöðugleika í evrópskum efnahag, koma í veg fyrir óviljandi útvíkkun stríðsins og til þess að koma á herstjórnarlegum stöðugleika gagnvart Rússlandi-“.
-“Í dag eru þýsk efnaiðnaðarfyrirtæki að byggja sumar stærstu efnaverksmiðjur heimsins í Kína sem munu nota rússneskt gas sem þeir fá ekki að kaupa heima. Trump-stjórnin er í andstöðu við evrópska ráðamenn sem hafa óraunsæjar skoðanir um Úkraínustríðið, sem alið er á í fallvöltum minnihlutastjórnum sem margar hverjar halda stjórmálaandstöðu niðri. Stór meirihluti Evrópubúa vill frið, samt kemur sá vilji ekki fram í stjórnvaldsstefnu, að miklu leyti vegna þess að þessi stjórnvöld hafa kollvarpað lýðræðinu-“.
https://www.whitehouse.gov/wp-content/uploads/2025/12/2025-National-Security-Strategy.pdf
Andstaða aðildarlanda við miðstjórnarvald Evrópusambandsins fer vaxandi. Fleiri lönd vilja láta sína hagsmuni ráða. Eitt af stærstu ríkjunum, Bretland, hefur þegar skilið við sambandið. Spurningin vaknar, Hverjir verða næstir? Veðbankarnir segja að það verði líklega Ítalía, Grikkland eða Pólland.
https://www.stjornarradid.is/rikisstjorn/thingmalaskra/
