Fréttaflutningur af veðurfyrirbærum er orðinn svo litaður af rangfærslum að erfitt er að treysta fréttunum. Þær eru oft áróður um „loftslagsbreytingar af mannavöldum“, að mannkyn sé að valda „hamfarahlýnun“. Fréttir af kjarreldum í Ástralíu er nýjasta dæmið sem fjölmiðlar hampa og í fréttirnar er hnýtt fullyrðingum um hitamet og að eldarnir séu án fordæma og vegna hlýnunar loftslags.
-„Fyrir aðeins 10 árum, 9 febrúar 2009, fórust 173 mans í kjarreldum í Ástralíu. Fyrir 80 árum, 13. janúar árið 1939, brunnu 2 milljónir hektara. Oft er sagt frá því að árið 1851 hafi 5 milljón hektara brunnið- (í kjarreldunum nú hefur álíka svæði brunnið og 25 manns farist)
-Síðasta sumar og þetta sumar hafa verið heit hér í Ástarlíu en sumarið 1938-1939 var líklega heitara (ath. að miðsumar er um áramót í Ástralíu). Í sveitum Viktoríuríkis var hitastigið að meðaltali að minsta kosti 2 gráðum yfir því sem mælst hefur með jafngildum mælum síðan. Líklega var sumarið 38/39 það heitasta bæði í Viktoríuríki og Nýja Suður-Wales.
-Veðurstofa Ástarlíu hefur síðan breytt mæliaðferðum og mælistöðum sem setur sögulegar hitafarstölur í vafa. Veðurstofan hefur ekki gefið upp hvernig nýrri mælar, sem eru rafeindamælar, mæla hita samanborið við kvikasilfurmælana.
–Hitatölum breytt. Veðurstofan hefur „endurhannað“ reikniaðferðirnar sem notaðar eru við skráningu hitafars. Hitatölunum hefur verið breytt, þær eru orðnar uppskáldaðar. Þær eru sendar til Milliríkjanefndar Sameinuðu þjóðanna um loftslagsbreytingar. Áróðurinn er síðan básúnaður út af stórstjörnum í Hollywood-
-Hitametin eldri. Allnokkrir hafa komið að máli við mig og talið að hæsti hiti sem mælst hefur í Ástarlíu sé 53,1°C sem mældist þann 16. janúar, 1889 í Cloncurry, Queensland. Vandinn er að mælingin var ekki gerð í Stevensonkassa (staðlað mælahús) jafnvel þó mælingin hafi verið gerð á opinberum mælistað. Hæsti hiti sem mælst hefur í Ástarlíu, með stöðluðum kvikasilfurmæliaðferðum á opinberum mælistað, er 51,7°C við Bourke Post Office 3. janúar 1909“ -. Jennifer Marohasy
Fréttir í fjölmiðlum um að kjarreldar séu vegna loftslagsbreytinga eða að hitamet séu slegin eru ekki vísindaniðurstöður heldur óstaðfestar fullyrðingar og áróður, stundum byggð á gölluðum mælingum. Eldarnir eru eyðileggjandi og banvænir dýrum og mönnum og valda uppnámi og hafa því mikið áróðursgildi. Ástæður kjarreldanna, auk eðlilegra veðurbrigða í eyðimerkurloftslagi í Ástralíu, eru að eldfimt kjarr hefur ekki verið fjarlægt nægilega frá þurrsvæðunum, ónógur viðbúnaður og varnir gegn eldunum, íkveikja skemmdarvarga og öfgamanna, slysaíkveikjur af mörgum orsökum, ofl.
Miðstöð áróðursins um loftslagshlýnunina er hjá Sameinuðu þjóðunum og með stuðningi Evrópusambandsins. Fréttir sem geta stutt áróðurinn, núna um kjarrelda í Ástralíu, eru notaðar sem rök fyrir að koma þurfi á alræðisvaldi sem mun stjórna orkuframleiðslu og orkunotkun heimsins. Árangurinn yrði orkuskortur og kostnaðurinn umfarm getu þjóða, umhverfisskemmdirnar af völdum vindmylla, sólhlaða og rafhlaða yrðu yfir öllu sem þekkst hefur.