Evrópusambandið hervæðist

Sú ógnvænlega staða blasir nú við að þjóðirnar sem komu af stað tveim heimsstyrjöldum ætla nú að fara saman í allsherjar hernaðaruppbyggingu. Afsökunin fyrir stofnun Evrópusambandsins var að friða stríðsþjóðir V-Evrópu sem höfðu um langt skeið hafið stríð gegn hvor annarri og öðrum þjóðum, aðallega gegn Rússum með hroðalegum afleiðingum. Nú ætla sömu þjóðir að sameinast í hernaðaruppbyggingu

ESB fær afsökun -“Innrás Rússa í Úkraínu hefur vakið okkur upp um öryggi og varnir Evrópusambandsins – vegna lítilla fjárfestinga er varnarmáttur okkar ónógur fyrir þær ógnir sem við söndum frammi fyrir-“(Josep Borrel, utanríksimálastjóri ESB) https://www.eeas.europa.eu/eeas/we-need-increase-european-defence-capabilities-working-better-together_en  Þarna er á ferðinni Rússagrýlan, tilefnislaus þráhyggja Vesturlanda sem engar forsendur eru fyrir, Rússar hafa eldrei sýnt neinn áhuga eða gert sig líklega til að leggja undir sig V-Evrópu með hernaði. Gömlu stríðsveldi Evrópu hafa nú gripið tækifærið og búið til afsökun til að hervæðast á ný. Yfirlýsingar Josep Borrel eru röklausar stríðsæsingar og bergmál frá dögum síðari heimsstyrjaldar.

ESB-lönd ætla að stórauka hernaðarframlög. Frakkar ætla að auka framlögin og Þjóðverjar ætla að tvöfalda, eyða 112 milljörðum dollara á þessu ári (til samanburðar eyða Rússar 67 milljörðum dala á ári). Þessar fréttir vekja minningar um tilefnislausar innrásir stríðsveldanna Frakklands og Þýskalands í Rússland (1812 og 1941) sem kostuðu milljónir mannslífa. Meiningin er nú að breyta Þýsku stjórnarskránni til að stofna nýjan sérstakan 100 milljarða evra hervarnasjóð, segir fjármálaráðherra þýskalands, Christian Lindner.

https://breakingdefense.com/2022/03/seven-european-nations-have-increased-defense-budgets-in-one-month-who-will-be-next/

Evrópusambandið ætlar að veita 9 milljörðum evra í Úkraínustríðið, stór hluti til vopna.

Hernaðaraðgerðir Rússa í Úkraínu eru af tvennu tilefni:

1: Koma Rússum í Austur-Úkraínu til bjargar en þeir hafa staðið í stríði við Kænugarðsstjórnina síðan 2014 þegar blóðugt valdarán Bandaríkjanna og aðila í ESB og NATO kom til valda leppstjórn sem var óvinveitt Rússum. Hún gerði samning um réttindi Rússa í Úkraínu (kennt við Minsk) en þverbraut þá og níddist á Rússunum í austurhéruðunum sem hefur kostað 14000 mannslíf. 

https://www.crisisgroup.org/content/conflict-ukraines-donbas-visual-explainer

2: Rússar samþykktu sameiningu Þýskalands 1989 gegn loforði um að NATO yrði ekki fært út til austurs. Það hafa NATO og ESB séð um að svíkja og var það eitt aðalmarkmiðið með valdaráninu 2014 að koma að stjórn í Úkraínu sem gæti komið Úkraínu í samtökin. Aðgerðir Rússa í ár (2022) eru því líka til þess að stöðva tilraunir til að koma Úkraínu í ESB og NATO sem mundi færa herhreiður NATO heim að landamærum Rússlands.

https://www.frjalstland.is/2022/05/05/bloduga-valdaranid-i-ukrainu/

Efnahagsþvinganirnar gegn Rússlandi bitna illa á öðrum löndum. ESB og NATO hafa fyrirskipað mjög umfangsmiklar útilokanir, bann á vöru- og þjónustuviðskipti, bankaviðskipti, fjármálastarfsemi, fréttaflutning og jafnvel menningarviðburði og íþróttir. Rússland hefur ekki farið í neinar slíkar stríðsaðgerðir gegn Úkraínu. Slíkt allsherjarstríð eru alls óþekkt í Evrópu.

ESB ríkin eru ekki sammála um „aðgerðirnar“ gegn Rússlandi. Vaxandi klofningur er í ESB enda sum ríkin í mikilvægum viðskiptum við Rússland. En miðstjórnin í Brussel reynir allt til að einangra Rússland en hefur nú rekist á andstöðu sem hún ræður ekki við. Ungverjar standa fastast á sínu sjálfstæði, Victor Orban ásakar ESB um misnotkun valds. -“ESB vill þvinga á okkur hluti sem við viljum ekki- Leiðtogar ESB reyna að minnka fullveldi meðlima og byggja Bandaríki Evrópu-“. Ungverjaland, Búlgaría, Tékkland og Slóvakía eru undanþegin aðgerðunum nú enda háð olíunni frá Rússlandi.

https://www.bloomberg.com/news/newsletters/2022-05-30/eu-unable-to-break-impasse-on-banning-russian-oil

ESB og NATO eru í raun gengin í eina sæng og búa í Brussel. Vaxandi yfirgangur og hernaður NATO, í Miðausturlöndum, Afríku og Serbíu, hefur afhjúpað bandalagið sem hernaðarfélag. ESB og NATO eru með sömu aðildarríki að miklu leyti og hafa svipaða stefnu og standa frammi fyrir svipuðum hótunum-“ segir í yfirlýsingu NATO.

 https://www.nato.int/cps/en/natohq/topics_49217.html

Noregur, sem er í EES, er aðili að ESB-varnarsamstarfinu (EU Defnce Fund, EDF) ætlar íka að eyða meiru í hervæðingu. Hættan er að Ísland dragist með í einhvers konar vopnaskak með gömlu stríðsveldunum í ESB vegna EES-samningsins. ESB og NATO eru þegar farin að draga Ísland með í aðgerðir á grundvelli EES-samningsins. Nærtækt dæmi er þegar ESB og NATO settu viðskiptabann á Rússland vegna „innlimunar Krím“! Það rétta er að Krímverjar innlimuðu sjálfir Krím í Rússland, þeir ákváðu að sameinast Rússlandi í þjóðaratkvæðagreiðslu 16 apríl 2014. Ísland gerðirst aðili að viðskiptabanninu „till þess að rjúfa ekki samstöðuna“ og varð þannig aðili að rangfærslunum. Og sem vera er:

Ísland hefur þegar dregist með í verktöku, vopnaflutninga, fyrir stríðsreksturinn í Úkraínu. Spurning vaknar hvar eru mörkin fyrir þátttöku Íslands í stríðsaðgerðum ESB og NATO? Getum við áttt von á að vera komin í styrjöld án þess að vita eða hafa samþykkt það?

English summary.

Iceland is subject to foreign policy directives from the EU because of the EEA agreement. Iceland has already participated in unprovoked trade ban on Russia imposed on the grounds of false accusations of annexation of Crimea. Iceland has also participated in transportation of weapons to Ukraine thus becoming a party to NATOś and EUś proxy war against Russia.

This entry was posted in EES, Utanríkismál. Bookmark the permalink.