Bandaríkin með aðstoð ESB frömdu blóðugt valdarán í Úkraínu 27. febrúar, 2014. Vígamenn og óeirðaseggir, launaðir af Obama/Biden-stjórninni, ESB, og óopinberum félögum (NGO) og fjárfestum, hófu vopnaðar árásir á stjórnarbyggingar Úkraínu í Kænugarði 21. nóvember 2013. Öfgasamtök s.s. Right Sector, Svoboda, Fatherland tóku virkan þátt. Árásirnar stóðu fram í lok febrúar og urðu til þess að lögleg stjórn Úkraínu hraktist frá völdum. Amk. 130 manns voru drepnir í Kænugarði, þar af amk. 18 lögreglumenn.
Leyniþjónusta Bandaríkjanna þjálfaði stofnanda Right Sector (Dmitriy Yarosh) í skarpskotatækni en hann varð leiðtogi skyttanna í valdaráninu. Málaliðarnir komu fyrir njósnurum og drápsskyttum í amk 20 stjórnarbyggingum í Kænugarði. Ein af skyttunum (Ivan Bubenchik) viðurkenndi að hafa byrjað tilefnislausa skothríð og skotið tvo lögreglumenn til bana við stjórnarbyggingar í Kænugarði án þess að lögreglan hafi skotið á hann. Mótmæli gegn valdaráninu brutust út víðar í Úkraínu. Í Odessa voru 48 manns drepnir. Sveitir ný-nasista frömdu voðaverk. Í austurhéruðunum voru framin dráp á rússneskumælandi.
Vígamenn og óeirðaseggir fengu greiddar 200-300 grivna fyrir að mæta í miðbæ Kænugarðas og taka þátt í uppþotum og árásum. Utanríkisráðuneyti Obama/Biden stjórnaði valdaráninu, Victoria Nuland, aðstoðarutanríkisráðherra, og aðilar í ESB, s.s. Konrad Adenauer Stiftung og fleiri, greiddu út peninga til drápssveitanna. Victoria viðurkenndi í heyrenda hljóði að hafa „fjárfest“ 5 milljarða dollara í Úkraínu.
ESB hafði lengi reynt að innlima Úkraínu sem hefði þýtt samskonar rupl á verðmætum landsins og fjárfestar frömdu í jaðarlöndum ESB, Grikklandi og Eystrasaltsríkjum. Hin löglega kjörnu stjórnvöld Úkraínu höfðu áttað sig á þessu þegar þau höfnuðu aðild að ESB 21. nóvember, 2013. Með þeirri höfnun var komin ástæða fyrir ESB og NATO að ræna völdum til að innlima Úkraínu í ESB og NATO. Þann dag var dráps- og óeirðasveitum Bandaríkjanna og ESB sleppt lausum á löglega stjórn landsins.
Hin nýja leppstjórn sem Bandaríkin og ESB komu til valda í Úkraínu 27.2.2014 hafði stuðning öfgasamtaka. Azov-herdeildin, sem er nasistahreyfing með ofbeldisstefnu, var hluti af stuðningsliðinu. Nýja stjórnin, sem tók sín fyrirmæli frá Washington, tók strax til við að herja á rússneskumælandi svæði Austur-Úkraínu sem stefndu að sjálfstæði enda ekki kræsilegt fyrir Rússa að vera undir stjórn leppa Bandaríkjanna sem sýndu lítið annað en ofbeldi og bann á að tala Rússnesku
Við lok Ráðstjórnarríkjanna í framhaldi af fundi Regans og Gorbashofs á Íslandi 1986, og lokun Varsjárbandalagsins, hafði Rússum verið lofað að NATO mundi ekki færa út kvíarnar til austurs. Það samkomulag þverbraut NATO án kinnroða.
Minsk samningarnir frá 2014 og 2015, um að vernda rússneska minnihlutann í Úkraínu, braut leppstjórnin í Kænugarði líka kinnroðalaust. Ríkisstjórn Úkraínu er spillt fasistastjórn og leppstjórn Bandaríkjanna sem ekki er líklegt að standi við neina samninga. Eina aðferðin við að umgangast hana virðist vera að beita valdi.
Valdarán Bandaríkjanna og ESB 2014 kom af stað borgarastyrjöld í Úkraínu sem endaði með að Rússar skárust í leikinn í febrúar 2022 til þess að reyna að ná fram einhverjum efndum á samningunum. Bandaríkin og ESB hófu þá um leið fordæmalausar útilokunar- og áróðursherferðir gegn Rússlandi og juku vopnasendingar og hernaðaraðstoð til Úkraínu. Stríðshörmungum íbúa Úkraínu er því langt í frá lokið.
„Friðarbandalagið“ Evrópusambandið er nú orðið uppvíst af að fremja blóðugt valdarán til þess að reyna að innlima lönd í sambandið. Þetta er ógnvekjandi fyrir Íslendinga sem eru undir tilskipanavaldi Evrópusambandsins vegna EES-samningsins. Til eru Íslendingar sem halda að ESB sé einhvers konar friðarbandalag og vilja jafnvel að Ísland verði meðlimur.
Úkraínustríðið er rekið af Bandaríkjunum og ESB. Tilgangurinn er að veikja Rússa og ná rússneskum landsvæðum og auðlindum undir ESB og NATO, sbr. yfirlýsingar vestrænna leiðtoga. Úkraínu er fyrsta stóra sneiðin, eldflaugaskotpallar þar verða í nokkurra mínútna fjarlægtð frá Moskvu.
ESB og NATO fórna úkraínskum ungmennum, og jafnvel heilu landi, til þess að fullnægja sínum stórveldadraumum. Með stöðugum áróðri og blekkingum er Úkraínubúum talin trú um að þeir geti „unnið“ hernaðinn gegn Rússlandi meðan fleiri og fleiri ungmenni eru felld á vígvellinum og almenningur flýr landið.
The Neoconservative Threat to World Order. Washingtonś Perilius War for Hegemony. Paul Craig Roberts. Clarity Press Inc 2015.