Evrópuráðið fundar um þessar mundir í Reykjavík. Ráðið, sem ræddi ýmiss góð mál áður, er nú orðið svipur hjá sjón, Evrópusambandið hefur tekið það í gíslingu og flæmt stærstu þjóð Evrópu úr því og notar það nú til sríðsæsinga gegn henni. Ráðið heldur nú stríðsáróðurssamkomu gegn Rússlandi á Íslandi.
Evrópuráðið (Council of Europe https://www.coe.int/en/web/portal), sem Ísland er aðili að, var stofnað til að koma í veg fyrir að Þjóðverjar, Frakkar eða önnur stríðsveldi Evrópu færu aftur í ófrið og að kúga og brjóta mannréttindi eins og til dæmis 1939-1945. En samt sér ráðið, eftir að ESB hertók það, sem sitt helsta verkefni að ala á hatri og stríðsæsingum gegn stærstu þjóð Evrópu. Það er einmitt þjóðin sem hefur átt stærstan þátt í að koma á friði í Evrópu.
Leiðtogar ESB/Evrópuráðsins halda nú samkomu á Íslandi um hvernig megi valda ekki bara Donbas heldur Rússlandi sem mestum skaða. Ekki í fyrsta skiptið sem Rússar eru skotspónninn, ráðið virðist stefna á að halda áfram með það sem hvorki Frakkar né Þjóðverjar gátu lokið við (1812 og 1945), að að leggja Rússland undir evrópsku veldin. Þjóðverjar ætla að halda áfram að senda vopn og skotfæri (þeir drápu 27 milljónir 1940-1945), stórsending vopna frá Þýskalandi er nú að fara af stað til Úkraínu. Frakkar (sem voru í Rússadrápum 1812) senda nú líka vopn. Og Bretar, sem alltaf virðast til í ofbeldi og vopnaskak eins og Íslendingar þekkja, senda langdrægar sprengjuflaugar svo Kænugarðsstjórn geti skotið beint á borgir Rússlands og þurfi ekki að senda launmorðingja. Og Biden-stjórnin vestra sendir tröllvaxnar vopnasendinagar..
Upphaf úkraínustríðsins var fyrir 10 árum þegar löglega kjörin stjórn landsins hafnaði aðild að Evrópusambandinu. Þá hófu leigumorðingjar á vegum Obama/Biden stjórnarinnar, aðila í Evrópusambandinu og ný-nasista Úkraínu, árás á ríkisstjórnarbyggingar Úkrínu og frömdu blóðugt valdarán. Hugmyndin var að innlima Úkraínu í ESB og NATO og egna Rússland í stríðsátök, hún er frá auðvaldi og undirmálsráðamönnum á Vesturlöndum og er bæði heimskuleg og hættuleg og getur endað með kjarnorkustríði. Ríkisstjórn valdaræningjanna í Kænugarði hóf þegar í mars 2014 stríð gegn rússneskum íbúum Úkraínu sem stendur enn þrátt fyrir fiðarsamninga sem Kænugarðsstjórn hefur svikið. https://www.frjalstland.is/2022/05/05/bloduga-valdaranid-i-ukrainu/
Ráðamenn/konur Íslands hafa kysst stríðsæsingamennina og tekið þá í faðm sér og orðið okkur til skammar fyrir augliti 90% heimsbyggðarinnar sem hefur í aldaraðir mátt þola hernað og kúgun stríðsþjóða Evrópu. Á fundinum á að ákveða að skrá skaðann sem Rússar hafa valdið íbúum Úkraínu síðasta árið en ekki á að skrá skaðann sem leppstjórn ESB/NATO í Úkraínu hefur valdið íbúum Donbas síðustu 9 árin.
Íslendingar hafa engan her og geta ekki tekið þátt í hernaðaraðgerðum ESB/NATO nema sem handlangarar. Íslendingar framleiða ekki vopn og græða ekki á stríði. Ísland á ekki heima í stríðsæsingakór gegn Rússlandi eða öðrum þjóðum sem Íslendingar eiga ekkert sökótt við. Að boða hingað stríðsmangara og jafnvel lögreglu og vopnað lið frá Evrópusambandslöndum er Íslandi til skammar.
Evrópuráðið er farið að minna á stríðsráð eða samkomur heimsvaldasinna (t.d. WEF í Davos), það er orðið hættulegur söfnuður i gíslingu stríðsæsingamanna gömlu stríðsvelda Evrópu sem mistök var að láta halda fund á Íslandi um stríðsmang ESB og NATO. Okkar ráðamenn þurfa að fara að átta sig á að Ísland hefur mannorð að verja sem vopnlaust og friðarfremjandi land sem býður leiðtogum til friðarviðræðna en ekki stríðsæsinga.
English summary
The Ukraine war started a decade ago with a bloody coup de-état by the Obama/Biden administration with collaboration from EU and Ukrainian neo-nazis. The war is a proxy war run by NATO, primarily the US, UK and the EU with the purpose of annexing Ukraine into NATO and EU and opening Russia for western companies. Iceland, which has a reputation of antimilitarism and peace mediation, has been drawn into military activities against people that Iceland has had long standing friendly relations with. The COE meeting in Reykjavik will draw Iceland still deeper into warmongering that threatens world peace.