Bandaríkin hófu óyfirlýst stríð gegn Rússum Úkraínu í árslok 2013 með blóðugu valdaráni. Eftir að löglega kjörin stjórn Viktors Yanukovych í Úkraínu hafði hafnað aðild að Evrópusambandinu 21. nóvember hófust óeirðirnar, launaðir skemmdarverkamenn voru látnir setja á svið slagsmál, kveikja elda og fremja skemmdarverk. Vopnaðir málaliðar, þjálfaðir í Póllandi af CIA, voru látnir hefja manndráp með árásum á ríkisstarfsmenn og lögreglumenn. Í lok febrúar 2014, þegar drepnir höfðu verið hundruðir manna og tugir lögreglumanna, hraktist stjórn Yanukovych frá völdum og Bandaríkin og Evrópusambandið settu sinn lepp í forsetastólinn sem hóf hernað gegn Rússneskum íbúum Úkraínu. Her Rússlands skarst í leikinn í febrúar 2022, átta árum eftir hið blóðuga valdarán og hefur stríðið þanist stöðugt út.
Aðilar frá Evrópusambandslöndum tóku þátt í að fjármagna óeirðirnar í Kænugarði þó utanríkisráðuneyti Bandaríkjanna, sem stjórnaði valdaráninu, hafi borið mestan kostnað. Aðstoðarutanríkisráðherra Barak Obama, Victoria Nuland, sá um framkvæmd valdaránsins. Fjölmiðlar Vesturlanda, þ.m.t. falsanamiðlarnir, voru látnir kynna óeirðirnar sem eðlilega uppreisn óánægðs almennings, kallað „Euromaidan“. https://en.wikipedia.org/wiki/Euromaidan Þegar árásirnar á Rússana í Donbas hófust í apríl 2014 höfðu NATO- og ESB-lönd flutt mikið af vopnum til Úkraínu í langan tíma, undirbúningur stríðsins hafði staðið lengi.
Úkraínustjórn hefur haldið áfram stöðugum sprengjuárásum á Rússnesku héruðin Donbas, Luhansk, Kherson, Zaporozhie og Krím með aðstoð NATO og ESB-landa. Hún hefur nú undir stjórn þessara bandalaga þanið stríðið út til Rússlands og í vaxandi mæli gert árásir inn í Rússland. Þriðja heimsstyrjöldin er þegar hafin samkvæmt stjórnvöldum Úkraínu. https://www.rt.com/news/582447-ukraine-nato-danilov-petraeus/ Úkraínustjórn starfar með fulltingi nýnasistasamtaka og fremur hryðjuverk í Rússlandi, öryggisþjónustan rekur sérstaka morðsveit sem hefur myrt fjölda Rússa síðustu 8 árin. https://www.rt.com/russia/582428-ukraine-sbu-assassination-unit/
Ísland dróst með í dilk stríðsþjóða NATO og ESB sem settu viðskiptabann á Rússland í apríl 2014 „vegna innlimunar Rússlands á Krím“ sem var ekki innlimun heldur sameining eftir þjóðaratkvæðagreiðslu á Krím 16. mars 2014. Refsiaðgerðirnar uxu fljótt upp í umfangsmiklar þvinganir gegn Rússlandi og stuldi á rússneskum eignum þeirra á Vesturlöndum. Refsiaðgerðum Íslands er stjórnað með EES-tilskipunum frá Evrópusambandinu. En óreyndir íslenskir ráðamenn hafa tekið sig til og bætt í og framið heimskulegar og rangt forsendaðar aðgerðir gegn Rússlandi að frumkvæði kaldastríðsafturganga hér á landi. Íslenskir ráðamenn taka virkan þátt í áróðri gegn Rússlandi, á vegum bæði Bandaríkjanna, NATO, Evrópusambandsins og ýmissra málfundaskrifstofa undir þeirra hatti, s.s. Evrópuráðsins, Alþjóða glæpadómstólsins og fleiri.
Ísland varð þátttakandi í vopnaflutningum til Úkraínustjórnarinnar og þar með beinni aðild að hernaðinum gegn Rússlandi. Með þátttökunni lagði íslenska ríkisstjórnin traustið sem í langan tíma hefur ríkt milli Rússlands og Íslands í rúst á fölskum forsendum en Rússland hefur staðið með Íslendingum í langri baráttu fyrir sjálfstæði og hagsmunum landsins. Ísland missti bæði trygga vinaþjóð og efnahagslega mikilvæg viðskipti þegar íslensk stjórnvöld létu draga landið í þvinganir gegn Rússlandi.
Ný-íhaldið í Bandaríkjunum leiðir stríðið, Hvíta Húsinu er stjórnað af ný-íhaldsmönnum, Biden, Blinken, Sullivan og fleirum sem sjá um að reka erinda Bandaríska stórfyrirtækjaveldisins. Þeirra hagsmunir eru að reka stríð við aðrar þjóðir og græða á vopnaframleiðslu og hernaðarframkvæmdum sem skattgreiðendur Bandaríkjanna borga að mestu. Vopnaframleiðslan vex hröðum skrefum. „Fjárfestingafyrirtæki“ í Bandaríkjunum hafa þegar í skjóli spillingar staðið að vafasömum viðskiptum í Úkraínu (sbr. Biden feðga) og lagt undir sig miklar eignir í Úkraínu og stefna að frekara rupli á helstu verðmætum þar. Og næst á dagskrá er langstærsti draumurinn, Rússland sjálft sem ný-íhaldið er nú búið að koma Bandaríkjunum í stríð við.
Spillingaröflin í Bandaríkjunum hafa reynt með öllum ráðum að koma í veg fyrir að Donald Trump, sem er á móti Úkraínustríðinu, verði forseti en hann hefur sýnt sig að vinna fyrir almenning en ekki stórfyrirtækjaveldið. Demokrataflokkurinn, falsfréttamiðlarnir, lögfræðingar og réttarkerfið unga stöðugt út tilbúnum ávirðingum á Trump. Frægur sjónvarpsmaður telur að lokahnykkurinn verði að reynt verði að myrða Donald Trump ef ekki er hægt að stoppa hann með öðrum ráðum. Hann segir að Bandaríkjastjórn hafi ákveðið að fullt stríð við Rússland hefjist 2024.
https://www.youtube.com/watch?v=q89Rzl9J5v4
Hernaðarkerfi Bandaríkjanna er orðið skriffinnskubákn sem getur ekki unnið stríð við Rússland að mati reynds bandarísks herforingja og professors. Stríðið gæti orðið langvinnt og endað með kjarnorkustríði og hörmungum fyrir allt mannkyn og því þarf að stöðva strax vopnasendingarnar til Úkraínu. Ísland þarf að taka mið af stöðunni sem fyrst og lýsa sig frá stríðsaðgerðum NATO og ESB í Úkraínu og Rússlandi.