Norsk yfirvöld hafa enn einu sinni sýnt að Noregur er undir hæl Evrópusambandsins. Hæstiréttur Noregs hefur nú lagt blessun sína yfir vald ESB yfir orkukerfi landsins, aðild landsins að ACER (orkustofnun ESB), þriðja orkupakkanum sem okkar Alþingi gleypti með skít og skinni. Það er orðið ljóst að smáskammtalækningar um að hafna einstöku EES-valdboðum duga ekki, eina leiðin til að losa Noreg og Ísland undan Evrópusambandsvaldinu er að segja EES-samningnum upp og semja upp á nýtt.
Samtökin Nei til EU, sem í áratugi hefur tekist að halda Noregi fyrir utan Evrópusambandið, hafa barist ötullega gegn aðildinni að ACER og hafa m.a. rekið dómsmál fyrir hæstarétti landsins sem nú er tapað. Það var ekki óviðbúið, samtökin ætla nú að herða baráttu gegn fjórða orkupakka Evrópusambandsins sem líka skellur á EES-landinu Íslandi og er enn verri en 3 orkupakkin, laus við skynsamlegt mat og verkfræðilegar áætlanir en er óskammfeilið valdahrifs til Brussel. https://neitileu.no/aktuelt/kampen-mot-eus-energiunion-og-acer-fortsetter
Andstaðan við EES vex í Noregi þó búið sé að gera mikið af þingmönnum norskra stjórnmálaflokka og sjálfa dómstólana samdauna ESB eins og nú er orðið opinbert. Nú hefur Fellesförbundet, stærsta stéttarfélag landsins, gengið í lið með Nei til Eu í andstöðu sinni við EES. https://neitileu.no/aktuelt/dramatisk-skifte-om-eos-acer-og-innleie-i-fellesforbundet
Valdagræðgi Evrópusambandsins kemur fram í framkvæmd EES samningsins. EES-löndin (Noregur, Ísland og Liechtenstein) fá engan afslátt af valdboðum Brussel og eru undir stöðugum hótunum frá Eftirlitsstofnun EES (kölluð ESA). Mikið af lögum og reglum ESB henta alls ekki fyrir hvorki Noreg eða Ísland en eru samt látnar ganga í gildi.
Grunnhugsun ESB kemur fram í stöðugum tilraunum til landvinninga. Nú er stefnt að frekari innlimun landa Austur-Evrópu, Úkraínu, Moldovu, Serbíu ofl. Heimsvaldasinnar ESB- og NATO-landa hafa lengi viljað gera lönd fyrrum Ráðstjórnarríkjanna að sínum leppríkjum. ESB og NATO skirrast ekki við að koma að ógnarstjórnum nýnasista og hryðjuverkasamtaka til að ná löndunum undir sitt vald.
En nú er að koma í ljós að það verður enn einu sinni sögulegt hlutverk Rússlands að verja heimsbyggðina fyrir stríðsherrum Vesturlanda. Rússar hafa lengi verið í þessu hlutverki, tvisvar (og jafnvel oftar ef t.d. Viet Nam er talið með) á síðustu öld og enn oftar ef litið er lengra aftur, og fórnað tugum milljóna manna til þess að kveða niður herhlaup Vesturlanda.
Rússar hafa nú þegar að miklu leyti stöðvað níðingsverk leppstjórnarinnar í Kænugarði á vegum NATO og ESB á Donbas-löndunum þó Úkraínustjórn geri áfram árásir á íbúana sem og á Rússland sjálft. Úkraínuher hefur gert margar tilraunir til þess að sprengja kjarnorkuverin í Zaporozhie og Kursk og valda stórslysum með heimsumfangi en Rússar hafa geta varið þau hingað til.
Fjölmiðlar ESB- og NATO-landa segja yfirleitt ekki frá illvirkjum Úkrínustjórnar eða annarra leppstjórna Vesturlanda. Þeir eru allflestir orðnir áróðurstól sem bera út blekkingar og falsanir til þess að fegra framgöngu ESB- og NATO-landa við ofbeldisverk og landvinningatilraunir.