NATO og Evrópusambandið eru nú að undirbúa útvíkkun á Úkraínustríðinu sem hefur verið á þeirra vegum frá valdaráninu 2014. Löglega kjörin stjórn Úkraínu hafnaði aðild að NATO 3. júní 2010 og að Evrópusambandinu 21. nóvember 2013. Þá var ekki eftir önnur leið en vopnavald til að innlima landið í NATO og ESB.
Bandaríkjastjórn Obama framdi valdaránið sem kom leppstjórn að í lok febrúar 2014 sem hóf hernað gegn rússneskum borgurm landsins. Héruðin í Austur-Úkraínu þar sem stór hluti íbúanna eru Rússar lýstu yfir sjálfstjórn og Krím sameiningu við Rússland til þess að lenda ekki undir leppstjórn nýnasista, ESB og NATO í Kænugarði.
Stríðsreksturinn hefur verið með þátttöku hermanna og sérfræðinga frá Bandaríkjunum, Bretlandi og Póllandi sem sendir hafa verið til Úkraínu til ýmissra athafna, m.a. að stjórna loftvarnakerfum, eldflaugakerfum og öðrum þróðuðum vopnum frá Vesturlöndum. En stríðið er nú í vaxandi mæli á framkvæmd Evrópusambandsins og NATO. Þau bandalög höfnuðu friðarsamningi sem hafði verið samþykktur af öllum aðilum í mars 2022 og átti aðeins eftir að stimpla formlega þegar einn NATO-forustumaður, forsætisráðherra Bretlands, mætti í Kænugarði og fyrirskipaði Úkraínusrjórn að staðfesta ekki friðarsamninginn og gera ekki friðarsamninga við Rússa..
Evrópusambandið virðist nú vera að taka upp þráðinn þar sem þeirra stærsta aðildarþjóð gafst upp fyrir 79 árum. Sambandið ætlar að margfalda stríðsreksturinn og setja 50 milljarða evra í stríð við Rússland. Sagt vera „stuðningur við Úkraínu“ en er í raun stuðningur við landvinningatilraunir ESB og NATO og hefur hingað til orðið til þess að úkraínskum hermönnum hefur verið fórnað og sagt að þeir séu að berjast fyrir „frelsið“! Þýskaland ætlar staðsetja 5000 þýska hermenn í Litháen 20 km frá landamærum Hvítarússlands. Skriðdrekar fyrir tvær þýskar skridrekasveitir hafa þegar verið sendar að landamærunum. Mikið og vaxandi magn vopnabúnaðar verður sent til Úrkaínu.
Evrópusambandið hefur nú ákveðið að „hefja aðildarviðræður“ við Úkraínu. Innlimun Úkraínu í ESB og Nato hefur verið á óskalista þessara bandalaga í áratugi þó lögleg stjórn Úkraínu hafi hafnað bæði NATO-aðild og ESB-aðild. NATO hefur stefnt að innlimun allrar Austur-Evrópu frá falli Ráðstjórnarríkjanna 1991 þó leiðtogar NATO-þjóðanna hafi lofað Rússum að stækka ekki NATO þegar Rússar heimiluðu sameiningu Þýskalands. Forustumenn Vesturlanda hafa reynst svikulir og Rússar eru hættir að treysta þeim
Afskipti Bandaríkjanna, Bretlands og Evrópusambandsins eru að leggja Úkraínu í rúst. Stríð ESB og NATO, þar sem gerspillt leppstjórn er verktaki, hefur fórnað á aðra milljón Úkraínuhermanna fallinna og særðra í vonlausu stríð gegn Úkraínu-Rússunum og nú gegn Rússlandi sjálfu. Úkraína er að affólkast, af þeim meir en 50 milljónum sem byggðu Úkraínu Ráðstjórnarríkjanna eru aðeins um 25 milljónir eftir. Svæði í fyrrum Úkraínu (Donbas og fleiri) eru orðin brotajárnsgarðar og menguð með sprengjum og geislavirkum fallbyssuskotum. Vestrænir auðmenn hafa þegar lagt undir sig mikið af frjósömu landbúnarðarlandi Úkraínu og margar aðrar bestu eignir landsins.
Bandaríkjaforsetinn segir Bandaríkjaþingi að ef Rússar vinni Úkraínustríðið muni þeir ráðast inn í NATO-Evrópu og Bandaríkin þurfi að fara í stríð í Evrópu! Hann heimtar 60 milljarða dollara í viðbót við þá 100 sem búið er að eyða í „stuðning við Úkraínu“. Eins og allir vita er það ekki neinn „stuðningur“ heldur fjármagn til þess að reka stríð til að innlima landið í NATO og ESB. https://www.reuters.com/world/us/biden-announce-175-mln-ukraine-press-congress-more-2023-12-06/
Biden forseti er nú að útvega Kænugarðsstjórninni F16 orustuþotur. Árásaflug á Rússland verður frá NATO-herstöðvum i Austur-Evrópu vegna ónothæfra flugvalla Úkraínu. https://www.eurasiantimes.com/no-place-to-land-for-f-16s-russia-threatens-to-bomb-nato/ Ef F16 flugsveitirnar eiga að gera gagn verða þær mannaðar þjálfuðum NATO-flugmönnum. Rússar hafa varað NATO við að verði NATO-stöðvarnar í Austur-Evrópu notaðar til árása á Rússlandsher verði NATO-stöðvarnar lögmæt skotmörk Rússa. https://tass.com/politics/1716629
Þannig ætla Bandaríkin og meðreiðarsveinarnir í Evrópu að tryggja að tilefni fáist til þess að senda bandaríska herinn og NATO inn í Úkraínu og hefja þar með stórstyrjöld við Rússland.
Úkraínustríðið er og hefur frá byrjun verið landvinningastríð ESB og NATO. Til þess að innlima Úkraínu í bandalögin og þrengja að og veikja Rússland svo auðmenn og ruplarar Vesturlanda geti hafið rányrkju í hinu mikla Rússlandi en þjófnaður ESB- og NATO-landa á rússneskum eignum, sem lagt hefur verið hald á, er þegar hafinn í stórum stíl. Rússar eru býsna vanir að verjast vestrænum árásum og ekki líklegt að þeir gefist upp fyrir þeim nú þó stríðið í Úkraínu stefni í að verða stórstyrjöld að frumkvæði stríðsveldanna.
Máttlítil íslensk stjórnvöld hafa látið draga íslensku þjóðina í stuðning við hernaðarrekstur stríðsveldanna í Úkraínu sem gæti endað með því að Ísland verði vígvöllur í stórveldastríði. En það er ekki of seint fyrir Ísland að segja sig frá stuðningi við hernaðaraðgerðir ESB og NATO áður en til stórstyrjaldar kemur. Til þess þarf sterka og þjóðholla leiðtoga með sæmilegt vit og þekkingu á alþjóðamálum.