Covid-faraldurinn, flóttamannavandinn og loftslagsráðstefnan í Glasgow á síðasta ári afhjúpuðu vanhæfni og spillingu Sameinuðu þjóðanna. Samtökin hafa á síðustu áratugum orðið í vaxandi mæli leikvöllur tískumála og öfgafullra stefnuatriða sem eiga ekkert skylt við tilgang samtakanna. Við stjórninni hafa tekið vanhæfir og spilltir stjórnendur og fulltrúar vanþróaðra þjóða þar sem óstjórn og spilling eru landlæg. Einræðisríki hafa sama vægi og lýðærðsíki í SÞ og sum meira. Samtökin hafa þróast í átt að óviðráðanlegu bákni sem gleypir stjarnfræðilegar fjárhæðir og þar sem gráðugir leppar verða æ valdameiri.
https://www.theguardian.com/world/2015/sep/07/what-has-the-un-achieved-united-nations
Vangeta Sþ til að takast á við mál sem þau eiga að sinna, sérstaklega friðarmál, er orðin þekkt. Þöggun, yfirhylmingar, vanræksla, misbeiting og öfgaáróður eru orðin algengar aðferðir hjá stofnunum samtakanna. Fagmennsku og aga hefur verið vikið til hliðar, valdabrölt og erindrekstur fyrir einræðisríki og fjárgróðamenn eru orðin algengari. SÞ er orðið sýkt af spillingu þar sem flest atkvæði eru á hendi þróunarlanda og einræðisríkja þar sem spilling er útbreidd. Flest meðlimalöndin eru sögð „ekki frjáls“ eða „frí að hluta“ hjá Freedom House. Kína kommúnismans hefur neitunarvald.
Mannréttindaráð Sameiðnuðu þjóðanna, UNHRC. Emma Reilly hjá Mannréttindaráði SÞ í Genf (oft kölluð flóttamannastofnunin sem Ísland á sæti í) var rekin í nóvember 2021 fyrir að afhjúpa spillingu samtakanna. Kínverskir erindrekar fengu afhent trúnaðarmál, nafnalista yfir stjórnarandstæðinga Kínastjórnar sem Mannréttindaráðið hafði undir höndum en var trúnaðarmál. https://www.thequint.com/voices/opinion/im-the-only-one-speaking-how-a-un-whistleblower-on-china-lost-her-job-”Þeir sem spyrja um leynileg sambönd Antonio Guterres við CEFC China Energy (kínverska mútufyrirtækið) eða afhjúpa að SÞ afhendir Kína nöfn Uighur-vitna, verður hent út og þeir bannaðir, ef þeir eru starfsmenn SÞ þá eru þeir reknir. -Þetta eru Sþ í dag undir Guterres: Fullkomlega spillt-”. http://www.innercitypress.com/unscoop1reillyfiredicp111021.html
Alþjóða heilbrigðisstofnunin. WHO er komin í hóp þeira stofnana þar sem vanhæfni og spilling hafa fest rætur. Stofnunin hefur misst traust eftir að Covid 19 breiddist út frá Kína þar sem veiran hafði sýkt fólk þegar í Nóvember 2019 eða jafnvel löngu fyrr. WHO er með starfsemi í Kína og hefði átt að fylgjast með og afhjúpa hættuna. Kínastjórn sagði frá sýkingunum fyrst um áramótin 19/20. Og Kína gagnrýndi Bandaríkin og fleiri lönd frameftir janúar og febrúar 2020 fyrir að setja ferðahömlur á Kína. Forstjóri WHO sagði í febrúar 2020 að „engin þörf“ væri á aðgerðum sem „óþarflega trubluðu alþjóðleg ferðalög og verslun“ og hældi Kínverjum fyrir að hafa hemil á dreifingu veirunnar: „-ótrúlegur árangur!“-. Kína hefur áhrif á WHO. Miklir fjármunir hafa ratað frá Kína til Ethiopiu, heimalands forstjóra WHO. https://www.jpost.com/international/the-who-sick-with-the-uns-corruption-virus-627012 Gagnrýnisraddir eru þaggaðar niður. Francesco Zambon gerði skýrslu um viðbragðsgetu Ítalíu við faraldrinum og afhjúpaði aðkomu WHO. Það endaði með að hann neyddist til að segja af sér. https://www.transparency.org/en/blog/zambon-world-health-organization-whistleblower-covid-italy
Milliríkjanefnd Sameinuðu þjóðanna um loftslagsbreytingar, IPCC, ásamt með Alþjóða veðurfræðisamtökunum (WMO) og Umhverfisstofnun SÞ (UNEP) hafa í um þrjá áratugi staðið að áróðri um hlýnun loftslags af mannavöldum án gildra vísindalegra sannana. Falsanir í loftslagsvísindum hafa orðið umfangsmeiri og óskammfeilnari með árunum og hefur IPCC tekið þær upp sem gild vísindi og byggir sínar spár á þeim. IPCC er orðið þekkt fyrir að hafa í um þrjá áratugi gefið út yfirlýsingar (e: „Summary for policymakers“) og spár sem ganga í berhögg við vandaðar mælingar og hunsa jafnvel rannsóknir þeirra sem unnið hafa með IPCC. Allar spár IPCC hafa reynst falsspár. -“IPCC var stofnað 1988 mest fyrir áhrif Maurice Strong, milljarðamærings af olíuviðskiptum og sjálf-yfirlýsts sósíalista, sem hluti af stærri herferð til að gefa Sþ vald til að skattleggja þróuð lönd og veita fénu til vanþróaðra landa. Strong hafði áður tekist að koma á stofnun Umhverfisstofnunar Sþ (UNEP) og stjórnaði henni í byrjun. IPCC er samvinnuverkefni UNEP og WMO“-. Vanþróuð lönd, sem hafa æ meir að segja hjá Sþ, reka “loftslagsmál” áfram sem nokkurs konar réttarhöld yfir þróuðum löndum til að láta þau leggja fram stjarnfræðilegar fjárhæðir til vanþróaðra landa vegna mengunarsynda. Skuldbindingar sem Sþ gætu látið þróaðri lönd gera hefðu í för með sér gífurlegan flutning auðlegðar og lífsgæða frá íbúum þróaðra þjóða til spilltra stjórnenda og valdamanna vanþróaðra landa sem ekki er líklegt að kæmu almenningi þeirra landa að miklu gagni. https://climatechangereconsidered.org/about-the-ipcc/