Vindmyllugarðar og sólorkuver eru ekki hagkvæm en mikil byrði á sínum samfélögum og valda stöðugt meiri vanda með umhverfisspjöllum, rafmagnsleysi, mengunarslysum og óendurvinnanlegum og eitruðum úrgangi. Vegna EES-samningsins þarf Ísland að hlíta tilskipunum frá Evrópusambandinu í s.k. loftslagsmálum um að minnka losun koltvísýrings sem ryður braut fyrirtækja í Evrópusambandinu að byggingu vindmyllugarða á Íslandi.
Um allan heim er nú verið að hafna sólorku- og vindorkuverum. Frá enskri sveit til Osage þjóðarinnar í Oklahoma eru svæðisstjórnir að segja við þá sem þróa orkuvalkosti að fara með sín verkefni þangað sem sólin ekki skín og vindurinn ekki blæs! Af hverju veita svona margar byggðir andstöðu? Svarið er einfalt, þeir sem eiga landið og heimilin vilja standa vörð um heilleika síns svæðis. Þeir vilja ekki að þeirra landslagi sé spillt með hafi af sólpanelum og skógum af 200 metra háum vindmyllum. Þeir eru með réttu áhyggjufullir yfir lækkun fasteignaverðs og hávaðamengun sem kemur frá þessum mannvirkjum.
Hin umfangsmikla andstaða við „græn“-orkuverkefnin er ekki í samræmi við rétthugsun New York Times og annarra stórfjölmiðla um „orkuskipti“ og „hreina orku“ né heldur við stefnu ESB eða Biden-stjórnarinnar um „kolefnishlutleysi“
Fjöldahöfnun þessara verkefna er mikðið vandamál fyrir fyrirtækin sem ætluðu að byggja orkuverin. Danska stórfyrirtækið í vindmyllunum, Örsted, ætlar að afskrifa 20 milljarða danskar krónma og segja upp 800 starfsmönnum og stöðva arðgreiðslur. Svæðisstjórnirnar standa í vegi fyrir að fyrirtækin fái tugi milljarða dala í skattaafslætti, samkvæmt síðustu tölum frá fjármálaráðuneyti Bandaríkjanna munu framleiðslustyrkir til vindorkuvera og fjárfestingastyrkir til sólorkuvera á þessu ári kosta skattgreiðendur 35 milljarða dala sem má bera saman við það sem olíuiðnaðurinn fær að afskrifa, 1,6 milljarða, vegna uppþornaðra olíulinda.
Gríðarlegar fjárhæðir er um að tefla og því ekki að undra að áróðursmenn fyrir vind-og sólorkuverum vinni að því að svipta svæðisstjórnir skipulagsvaldi og afhenda það skriffinnum ríkisins. Nýlega gerðu New York-, Kaliforníu-, Michigan- og Illinoisríki einmitt það en þeim er stjórnað af demókrötum.
í Tennessee beittu Shelby County Board of Commissioners neitunarvaldi í febrúar gegn sólorkuveri Millington sem átti að kynda tölvusetur í eigu Facebook eigandans Meta Platforms. Neitunin var ein af 212 neitunum síðan 2017.
Í Tulsa úrskurðaði alríkisdómstóll í desember að ítalska fyrirtækið Enel hefði brotið á fullveldi Osage ættbálksins með því að byggja án þeirra leyfis 150 MW vindorkuver á þeirra landi. Dómarin fyrirskipaði Enel að fjarlægja 84 vindmyllur sem fyrirtækið segir að kosti 300 milljónir dala.
Þessi niðurstaða er glóðarauga fyrir vindiðnaðinn i Bandaríkjunum sem hefur hvað eftir annað reynt að keyra yfir svæðisstjórnir í þrá sinni eftir skattaafsláttum. Þó niðurstaða alríkisdómstólsins sé mikilvæg hefur hún að mestu leyti verið hunsuð af fréttamiðlunum.
Í Frakklandi dæmdi dómstóll í desember s.l. að vindorkuver í suður-Frakklandi nálægt Luna skyldi rifið vegna „kvartana um hávaða frá íbúum og áhrifanna á fugla.“
Írskur dómari sagði í mars að hávaðamengun frá vindorkuveri í County Wexford væri til ónæðis fyrir landeigendur og spillti heimilisró íbúanna..
í Englandi hefur svo mörgum sólorkuverum verið hafnað að erfitt er að fylgjast með. Svæðisstjórnir hafa hafnað sólorkuverum í Cambridgeshire, Holbeach, Kent, Herefordshire og Coventry.
Í Ástralíu hafnaði dómstóll í janúar umsókn um 10 MW sólorkuver nálægt Mudgee í New South Wales. Dómstóllinn staðfesti ákvörðun svæðisstjórnarinnar um að verkefnið setti „framandi svip“ á landslagið og að svæðið yrði fyrir „óafturkræfum skemmdum“ af 25,000 sólpanelum
Í Alberta settu yfirvöld í tímabundið bann á öll ný vind- og sólorkuver í fyrra og fyrirskipa að 35 kílómetra fjarlægð verði milli vind- og sólorkuvera og að ósnertu landslagi.
Andstaða gegn vind- og sólorkuverum er alþjóðleg og vaxandi. Að minnsta kosti 639 vindmyllu- og sólorkuverum hefur verið hafnað síðan 2015 í Bandaríkjunum.
https://www.foxnews.com/opinion/backlash-against-wind-solar-projects-real-global-growing
https://www.frjalstland.is/2022/06/22/rammaaaetlun-vindmyllur-og-kol/
https://www.frjalstland.is/2021/10/08/vindmyllur-og-orkukreppan/
https://www.theguardian.com/business/2024/feb/07/danish-windfarm-firm-orsted-jobs-dividend-north-sea